කොට්ඨාස අපරාධ විමර්ශන කාර්යාංශයේ නිලධාරීන්ට ලැබුණු තොරතුරක් මත දෙමටගොඩ මිහිඳු සෙන්පුර මහල් නිවාසයේ ප්‍රබල මත්ද්‍රව්‍ය ජාවාරම්කාරියක සහ මත්ද්‍රව්‍ය චෝදනාවට දැනට බන්ධනාගාරව ගතව සිටින මයිකල් එළිසබත් බේරී නොහොත් කුඩුමේරිගේ බෑනා විසින් මත්ද්‍රව්‍ය ජාවාරමේ නිරත වන බවට ලැබුණු තොරතුරක් මත ඔහුගේ නිවස පරීක්ෂා කර ඇත.
එම අවස්ථාවේදී නිවසේ කිසිවක් නොතිබූ අතර නිවසින් පිටත තිබූ මල් පෝච්චියක අයිස් මත්ද්‍රව්‍ය 104g සහ කුඩු මත්ද්‍රව්‍ය 25 g 41mgක් තිබී සොයාගෙන ඇත.
මෙම සැකකරු අංගම්පොඩි නිලුපුල් සිල්වා වන අතර ඔහු දෙමටගොඩ ප්‍රදේශයේ පදිංචිකරුවකු බවට තොරතුරු අනාවරණය වී ඇත.
මෙම පුද්ගලයා විසින් මෙම අත්අඩංගුවට ගත් හෙරොයින් සහ අයිස් මත්ද්‍රව්‍ය ඔහුගේ නොවන බවට ප්‍රකාශ කර සිටි අතර කාගේ හෝ උවමනාවකට පලි ගැනීමේ චේතනාවෙන් ඔහුත් සමග ඇති පුද්ගලික අමනාපයකට සිදුකරන්නට ඇති බව ඔහු විසින් පාපොච්චාරණය කර ඇත.
කෙසේ හෝ මෙම පුද්ගලයා මත්ද්‍රව්‍ය චෝදනාව සම්බන්ධයෙන් මීට ඉහතදී කුඩුමේරී නැමති කාන්තාව පිළිබඳව පොලිසියට ඔත්තු දීම සම්බන්ධව පුද්ගලයකුගේ අත් දෙක කපා වෙන්කර ඇති බවටද පොලිසියට කරුණු අනාවරණය වී ඇත.
මෙම සැකකරු අත්අඩංගුවට ගෙන ඉදිරි විමර්ශන කටයුතු සඳහා දෙමටගොඩ පොලිසියට භාරදී ඇත.
ඔහු අද දින දින7 රඳවා ප්‍රශ්න කිරීම සඳහා මාලිගාකන්ද මහේස්ත්‍රාත් අධිකරණයට ඉදිරිපත් කර ඇත.
