කඩුවෙල රනාල ප්‍රදේශයේ කාඩ්බෝඩ් කර්මාන්ත ශාලාවක ගින්නක් හටගෙන තිබේ.
නවගමුව පොලිසිය පැවසුවේ අද (19) අලුයම ඇති වූ හදිසි ගින්නකින් එම කර්මාන්ත ශාලාවට දැඩි ලෙස අලාභ හානී සිදුව ඇති බවයි.
ගිනි නිවීම් කටයුතු සඳහා කොළඹ සහ කෝට්ටේ මහ නගර සභා ගිනි නිවීමේ ඒකක පැමිණ ගින්න පාලනය සදහා කටයුතු කර ඇත.
සිදුවූ අලාභය මෙතෙක් ගණනය කර නොමැති අතර ගින්නට හේතුවද මෙතෙක් අනාවරණය වී නොමැති බව නවගමුව පොලිසිය පවසයි.
